Die Beste van Bizzie Lizzie
Nou Beskikbaar!
Die nuutste publikasie uit Lizz Meiring se pen, het pas verskyn. In hierdie heerlike boek, is 62 van haar Bizzie Lizzie rubrieke wat maandeliks in Rooi Rose tydskrif verskyn, vervat.
Welkom
Welkom by Lizz Meiring se amptelike webwerf!
Showbizz Lizz is een van Suid-Afrika se mees geliefde persoonlikhede en is al vir meer as twee dekades werksaam in die vermaaklikheidswêreld... as aktrise, dramaturg, skrywer, regisseur, spreker en glimlag-maker!
Haar veelsydigheid, nuuskierigheid en onblusbare kreatiwiteit maak haar een van die besigste wesens op die planeet... en haar vrees vir verveeldheid maak dit vir haar onmoontlik om haar aandag op enige tydstip, aan slegs een projek te wy!
Hier gaan jy alle relevante en irrelevante info kry. Oor haar, haar loopbaan en elke projek waarby sy betrokke is. Jy kan bestel, bespreek, berispe, bewus word, bevraagteken en hopelik ook, vir 'n wyle bevry word van die gewone en die geykte. Blaai dus na hartelus rond!
Ons het dinge bietjie opgeknap hier op die werf, en daar is nog heelwat nuwe brokkies in die pyplyn. So maak elke nou en dan weer 'n draai vir varser nuus!
En as jy nie kry waarna jy soek nie, stuur 'n e-pos!
O ja! As deel van die opgraderingsproses, sal die webwerf vir 'n rukkie nie in Engels beskikbaar wees nie... maar dis in elk geval goed dat ons Rooinek-broeders nou en dan ook bietjie hulle Afrikaans opknap!
;-)
