Nou op lug
Molly en Wors
Die tweede seisoen van hierdie skreeusnaakse en uiters gewilde sitkom waarin Lizz saam met onder meer Willie Esterhuizen te siene is, word huidiglik op Kyknet uitgesaai. Vrydae om 20h00. Met verskeie herhalings deur die week.
Boeke en DVD
Die Beste van Bizzie Lizzie
Die nuutste publikasie uit Lizz Meiring se pen, het pas verskyn. In hierdie heerlike boek, is 62 van haar Bizzie Lizzie rubrieke wat maandeliks in Rooi Rose tydskrif verskyn, vervat.
Elke ander duim 'n dame - DVD
Hierdie - waarskynlik Lizz se gewildste eenvrou-vertoning - is op DVD beskikbaar.
Lizz se Speel Goed
Verskeie van Lizz se verhoogtekste is onlangs gepubliseer en is in boekvorm beskikbaar.
Huidige Projekte
Lizz Meiring is daarvoor bekend dat sy haarself op enige gegewe oomblik met meer as een ding besig hou. Hier volg besonderhede oor die dinge wat sy tans op haar kefstok het:
Bizzie Lizzie
Lizz Meiring se sewende eenvrou stuk het in 2006 by die Innibos Kunstefees in Nelspruit gepremiére. Die produksie is geinspireer deur haar rubriek met dieselfde titel in die Rooi Rose tydskrif. Die produksie toer steeds en kan bespreek word vir optredes landswyd.
Elke ander duim 'n dame
Haar vorige solo stuk is steeds baie gewild en kan nog bespreek word vir sekere geleenthede. Kontak ons gerus met enige navrae.
Lizz Meiring: Spreker en Seremoniemeester
Lizz kan bespreek word om op te tree as gasspreker of seremonie-meester vir enige geleentheid.
Sing!
Maak jou reg vir ‘n splinternuwe komedie uit die pen van Wikus du Toit. Tobie Cronjé en Terrence Bridgett is vanjaar saam met Lizz te siene in hierdie stuk wat deur Kosie House of Theatre aangebied word by verskeie venues en feeste.
Groet die Grotoupa
Lizz is die skrywer en regisseur van hierdie eenman-stuk wat volg op die baie suksesvolle, Groet die Grotman. Die bekende akteur, Cobus Visser, is in die titelrol en die produksie sal 'n bietjie later vanjaar by Carnival City op die planke wees.
